Kena Penyakit " MATROK "

Obet ni de kuliah di Jawa..1 kali de tulis surat tuk de Bapak dong di kampung tuk Minta uang karena de su trada uang jadi :

Obet : "Bapa..eee,saya kena Penyakit Baru disini.. Penyakit itu de Pu Nama Penyakit
'' MATROK " Penyakit itu de Menular trus klo tong kena tuh badan lemah,lesu Otak Padam trus tra bisa bikin apa2.

Dengar begitu jadi de pu Bapak balas Obet pu surat..

Bapak : " Adohh Anak kasihan sekali..iyo sudah nanti Bapak pergi kirim ko uang..ko pake berobat supaya ko cepat

sembuh....Salam sayang dari Bapak n Mama...

Obet baca surat tuh de semangat...Kaget dua bulan begini Simon pulang dari Jawa jadi Obet Bapak Tanya Simon...Simon katanya Di Jawa sana ada Penyakit baru yang de pu nama Penyakit '' MATROK '' betul kah..?? Simon jawab ah tarada mo Om.. siapa yang bilang...?? Ah Obet yang bilang,karena klo de su mulai kena gajala2 penyakit '' MATROK '' tuh de paksa Om dong harus kirim de uang secepatnya...Simon tembak tertawa baru bilang ah Om Obet de tipu itu...de su mati rokok jadi makanya de minta uang ''MATROK' itu de pu singkatan '' MATI ROKOK ''..Dengar Simon bilang begitu Obet Bapak Emosi naik di Otak..

Kaget begini tra lama Obet kirim surat Minta uang lagi karena de su mulai kena gejala2 '' MATROK ''...

Bapak : " Ok sipp Anak ko Tunggu nanti Bapak kirim..Pace de Foto Copy uang Seribuh2 banyak,Cap Palungku di kertas besar trus Gambar Parang,Tombak sama panah de isi didalam surat..trus di bawah Pace de tulis :

" ANAK..ITU BAPAK ADA KIRIM DE PU FOTO COPY DULU..SEBENTAR LAGI YANG ASLI TIBA DISANA JADI KO TUNGGU "

Haaaaaeee...# Obet baca surat dengan Air Mata...#